TMA: Mvua kubwa zinaendelea

No comments
Mamlaka ya Hali ya Hewa Tanzania (TMA), imesema wakati msimu wa mvua za masika ukielekea ukingoni, wananchi wanatakiwa kufuatilia taarifa zinazoendelea kutolewa ili kuchukua tahadhari dhidi ya mvua kubwa zinazoweza kutokea.

Msimu wa mvua za masika ulianza Machi na zitamalizika Mei mwaka huu, katika maeneo ya Ukanda wa Nyanda za Juu Kaskazini Mashariki katika mikoa ya
Arusha, Kilimanjaro na Manaya , Kaskazini, Pwani ya Kaskazini katika mikoa ya Morogoro, Pwani, Dar es Salaam, Tanga na visiwa vya Unguja na Pemba.

Mkurugenzi wa Utafiti na Matumizi ya Hali ya Hewa wa TMA, Dk. Ladislaus Chang’a, alilieleza Nipashe jana kuwa mvua hizo zimeendelea kupungua wakati zikifikia ukingoni.

“Mvua zinaendelea kupungua, lakini matukio machache ya mvua kubwa yanaweza kuwatokea, hivyo wananchi wanatakiwa kutufuatilia taarifa tunazotoa ili kuchukua tahadhari ingawa zimepungua lakini hatuwezi kusema zimeisha hadi msimu umalizike,” alisema.

Alisema katika maeneo hayo na yale ya kuzunguka Ziwa Victoria wanapata mvua mara mbili kwa mwaka ambazo ni mvua za vuli na masika na kwamba kwa mwaka huu zilikuwa kubwa.

Alisisitiza kuwa msimu wa mvua bado unaendelea, ingawa zinaelekea ukingoni na kwamba zinaendelea kupungua kabla ya kumalizika kabisa.

#Nipashe

No Comments Yet.

Leave a comment